தில்லி மாநாட்டில் பங்கேற்ற அதிரை சோ்ந்த 13 பேருக்கு பரிசோதனையா?

அதிரை டுடே:ஏப்.01
தில்லியில் நடைபெற்ற மாநாட்டில் பங்கேற்ற அதிராம்பட்டினத்தைச் சோ்ந்த 13 பேருக்கு தஞ்சாவூா் மருத்துவக் கல்லூரி மருத்துவமனையில் கொரோனா அறிகுறி இருக்கிரதா என பரிசோதனை செய்யப்படுகிறது.

தில்லியில் மாா்ச் 17 ஆம் தேதி முதல் 25 ஆம் தேதி வரை மதம் தொடா்பான மாநாடு நடைபெற்றது. இதில், நாட்டின் பல்வேறு பகுதிகளிலிருந்து ஏராளமானோா் சென்று பங்கேற்றனா். தற்போது இந்த மாநாட்டில் பங்கேற்று திரும்பிய பலருக்கு கொரோனா தொற்று இருப்பதாக தகவல் பரவியது.

தமிழகத்தில் இருந்து சென்ற அனைத்து மாவட்டங்களிலும் யாா், யாா் தில்லி மாநாட்டுக்கு சென்று வந்தனரோ, அவா்களைச் சுகாதாரத் துறையினா் கண்டறிந்து பரிசோதனைக்கு உட்படுத்தி வருகின்றனா்.

தஞ்சாவூா் மாவட்டத்தில் அதிராம்பட்டினத்தைச் சோ்ந்த 13 போ் தில்லி மாநாட்டில் பங்கேற்றது தெரிய வந்தது. இவா்களைச் சுகாதாரத் துறையினா் அடையாளம் கண்டு வாகனத்தின் மூலம் தஞ்சாவூா் அரசு மருத்துவக் கல்லூரி மருத்துவமனைக்கு அழைத்து சென்றனா். அங்கு அவா்களுக்கு ரத்த மாதிரி எடுக்கப்பட்டு, திருவாரூரில் உள்ள ஆய்வகத்துக்கு அனுப்பி வைக்கப்பட்டுள்ளது.

தொடா்ந்து, 13 பேரும் மருத்துவக் கண்காணிப்பில் வைக்கப்பட்டுள்ளனா். இவா்களுக்கு எந்தப் பாதிப்பும் இல்லை என்றும், முன்னெச்சரிக்கை நடவடிக்கையாகவே பரிசோதனை செய்யப்படுகிறது எனவும் கூறப்படுகிறது.

தஞ்சாவூா் மருத்துவக் கல்லூரி மருத்துவமனையில் சளி, இருமல், தொடா் காய்ச்சலால் பாதிக்கப்பட்ட 2 பெண்கள் உள்பட 23 போ் சிறப்புப் பிரிவில் சிகிச்சை பெற்று வருகின்றனா்.